Երկրորդ տիպի դիաբետը դրական կողմ ունի. բժիշկներ. 1in.am

Պարզվում է՝ դիաբետով հիվանդների շրջանում ավելի հազվադեպ են ամիոտրոֆիկ կողմնային սկլերոզ ախտորոշում, հայտնում է «Ռեմեդիումը»: Գիտնականները կապ են գտել անոթային ռիսկի գործոնների (ճարպակալում, ցածր խտության լիպոպրոտեինների բարձր մակարդակ) և ամիոտրոֆիկ կողմնային սկլերոզի ցածր ռիսկի միջև:

Բայց մինչև վերջերս մասնագետները չէին կարողանում ստույգ պարզել դիաբետի դերը ամիոտրոֆիկ կողմնային սկլերոզից պաշտպանության հարցում: Սա պարզելու համար գիտնականներն ուսումնասիրել են 3650 դանիացի հիվանդների տվյալները, որոնց մոտ 1982-2009 թթ. ամիոտրոֆիկ կողմնային սկլերոզ է ախտորոշվել: Ստուգողական խմբում 365000 առողջ մարդ է եղել:

Պարզվել է՝ ամիոտրոֆիկ կողմնային սկլերոզի ախտորոշումից 3 տարի առաջ դիաբետ են հայտնաբերել 9294 մարդու մոտ: Միաժամանակ, ամիոտրոֆիկ կողմնային սկլերոզով հիվանդների մեջ եղել է 2-րդ տիպի դիաբետով տառապող 55 մարդ: Հետազոտողների խոսքով՝ հենց դիաբետը, բայց ոչ ճարպակալումն է նվազեցրել ամիոտրոֆիկ կողմնային սկլերոզի ռիսկը: Իսկ ահա առաջին տիպի դիաբետը, ընդհակառակը, մեծացնում է ամիոտրոֆիկ կողմնային սկլերոզի ռիսկը:

Հարցեր, պատասխաններ, մեկնաբանություններ